The True Path

රටක ආරක්ෂාව සඳහා ශක්තිමත් හමුදාවක් තිබිය යුතුය. එහෙත්, ඕනෑවට වඩා බලය තර කර ගෙන ලෝක පොලිස් කාරයා වෙමින් අනෙක් රටවල් වලට තර්ජනයක් වීම වැරැද්දකි. සාමයේ නාමයෙන් අනෙකුත් රටවල ස්වෛරීභාවයට ඇඟිලි ගැසීම උද්දච්චකම වේ. ඇමරිකාව සහ ඉස්රායලය කරමින් සිටින්නේ එවැනි දේවල් ය. ඔවුන් කරමින් සිටින අසාධාරණ යුද්ධ නිසා ලෝක ආර්ථිකය දිනෙන් දින කඩා වැටෙමින් තිබේ. සාමය ඇතිකරන බව කියමින් කළහ ඇති කරන අය ගැන අල් කුරානය මෙසේ පවසයි.  "පොළොවෙහි කළහ ඇති නොකරන්නැයි ඔවුනට පවසනු ලැබුවේ නම්, 'අපි සාමය ඇති කරන්නන්' යැයි (ඔවුන්) පවසන්නෝය. ඇත්ත වශයෙන්ම කළහ ඇති කරන්නන් ඔවුන්මය. එහෙත් ඔවුන් එය තේරුම් ගන්නන් ලෙස නැත"  (කුරානය 2;11-12). ඉරානය වසර 7000ක් පමණ පැරණි ශිෂ්ටාචාරයක් ඇති රටක් වේ. ඔවුන් කිසිවිටක අනෙක් රටවල් වලට තර්ජනයක් වුයේ නැත. එසේ තිබියදී වසර 300ක් පමණ ඉතිහාසයක් ඇති ඇමරිකාව සහ වසර 70ක් පමණ ඉතිහාසයක් ඇති ඉස්රායලය ඉරානයේ තෙල් සම්පත් වලට කෙළ හලමින් ඔවුන්ට තර්ජනය කිරීම කිසිසේත්ම අනුමත කල නොහැක.  ඉරානය යුරේනියම් බල ගන්වන්නේ එම රටේ බලශක්ති උවමනාවන් සඳහා ය. එය පාදක කර ගනිමින් ඉරානයට නොයෙකුත් සම්බාදක දැමීම අනු...

මිනිසා සෙසු ජීවීන්ගෙන් වෙනස් වන්නේ, ඔහුව විශේෂ අරමුණක් සඳහා නිර්මාණය කර ඇති බැවිනි. ඒ අනුව, මිනිසා තමන් කරන සෑම දෙයක් ගැනම අල්ලාහ්ට පිළිතුරු දිය යුතුය. මේ සම්බන්දයෙන් කුරානයේ සහ ඊට පෙර පහළ කරන ලද දහම් පනිවිඩවල සඳහන් කොට තිබේ.  ස්වර්ගය අපේක්ෂා කරන කෙනෙක් සලාතය ඉටු කරන අතරම, වැරදි කිරීමෙන් වැලකි සිටිය යුතුය. එය පහසුවෙන් කල හැකි වන්නේ අල්ලාහ් කෙරෙහි අචල විශ්වාසයකින් නිසි පරිදි සලාතය ඉටු කළහොත් පමණි. ඇයිද යත් සලාතය මගින් කෙනෙකුව වැරදි කිරීමෙන් වළක්වන්නේය. කුරානයේ මෙසේ දැක්වේ.  "සලාතය ස්ථාපනය කරනු. නියත වශයෙන්ම සලාතය මගින් ලැජ්ජා ශීලි දේවල් වලින්ද, පිළිකුල් සහගත දේවල් වලින්ද වළක්වයි" (කුරානය 29:45). සලාතය ඉටු නොකරන තැනැත්තා අල්ලාහ්ව විශ්වාස කරන කෙනෙක් නොවේ. මුස්ලිම්වරයෙකුටත් මුස්ලිම් නොවන කෙනෙකුටත් අතර වෙනස සලාතය පැහැර හැරීම බව හදිස්වල සඳහන් වේ.  මුස්ලිම්වරයෙක් සලාතය ඊට නියමිත වෙලාවේදී ඉටු කිරීමෙන් අල්ලාහ්ට සමීප විය හැකිය. කුහකයින් අවසාන මොහොත දක්වා බලා සිට අවසාන මොහොතේදී අලසකමින් සලාතය ඉටු කරන බව හදිස්වල දැක්වේ. කුහකයින් ඉටු කරන සලාතය, අල් කුරානයේ මෙසේ විස්තර කොට ඇත. "නියතව...

සෑම ප්‍රධාන අගමකම ස්වර්ගය ගැන පවසා තිබේ. එය ඉතා සුන්දර ස්ථානයකි, එනමුත් ඒ සඳහා නියම කොට ඇති මිල ඕනෑම කෙනෙකුට ඉතා පහසුවෙන් ලඟා විය හැකිය.  ස්වර්ගයේ අලංකාරය මේ ලෝකයේදී සිතාගත නොහැකි ය. එහි ඇති සතුට වචනයෙන් විස්තර කල නොහැක. ස්වර්ගවාසින් කොපමණ කාලයක් ජිවත් වුවත් මරණයට පත් වන්නේ නැත. එපමණක් නොව ඔවුන් සදාකාලිකවම යෞවනයේ සිටින්නෝය. නබිතුමා සඳහන් කල ආකාරයට ස්වර්ගයේ ඇති ගස් ඉතා විශාලය. එහි සෙවන පසුකර යාමට අශ්වයෙකුට වසර සියයක් ගත වන්නේය (සහිහ් බුහාරි 6552).  මෙම ගස් අතරින් දිය දහරා ගලා බසින්නේය. ස්වර්ගවාසින් හිතන පතන සෑම දෙයක්ම නිරායාසයෙන්ම ඔවුන් හට ලැබෙන්නේය. ස්වර්ගවාසින්ට ලෙඩ දුක් ඇතිවන්නේ නැත. මල පහ කිරීමට අවශ්‍ය වන්නේ නැත. කාන්තාවන්ට මාස් සුද්ධිය ඇති වන්නේ නැත.  කුරානයේ 55 වන පරිජ්ජේදය වන සූරා අර්-රහ්මාන්, විස්තර කරමින් ඉබ්නු කතීර් තුමා මුහම්මද් නබි තුමාගේ හදිසයක් මෙසේ විස්තර කොට ඇත. “මුහම්මද් නබිතුමා පැවසූ බවට අබ්දුල්ලා ඉබ්නු කයිස් වාර්තා කරන වග නම්: සත්‍යය වශයෙන්ම ස්වර්ගවාසින්ට මුතුවකින් සැදුම් ලත් කුඩාරමක් දෙනු ලැබේ. එහි පළල සැතපුම් හැටක් පමණ වේ. එහි එක් එක් මුලුවෙහි විශ්වාස්...

ඉස්ලාම් ස්වහාවික දහමකි. එබැවින් එයට අරාබි භාෂාවෙන් "දීන් අල්-ෆිත්‍රා" (Din al-Fitra) යැයිද කියනු ලැබේ. එම කරුණ අල් කුරානයේ එක් තැනක මෙසේ සඳහන් කොට ඇත. "(මෙය) අල්ලාහ් මිනිසුන්ව නිර්මාණය කර ඇති ඔහුගේ ස්වහාවික ධර්මය වේ" (කුරානය 30:30). මේ හේතුවෙන්, ඉස්ලාම් දහම පිළිපැදීම ස්වහාවික නීති පිළිපැදීම තරම්ම පහසු ය. ඉස්ලාම් දහමින් මිනිසාව තම මැවුම්කරු සමග සමීප කරන්නේය.  ඉස්ලාම් ආගමේ, පවිත්‍රතාවය සඳහා ඉතා වැදගත් ස්ථානයක් ලබා දී තිබේ. මේ නිසා සෑම අවස්ථාවකදීම තම ශරීරය සහ මනස පිරිසිදුව තබා ගැනීම අනිවාර්ය වේ. එමගින් අල්ලාහ් හට සමීප විය හැකි අතර නිරෝගී ජිවිතයකටද මග පැදෙන්නේය. ඉස්ලාම් දහම මිනිසාගේ උපතේ සිට මිය යන තුරු සෑම දෙයක් සඳහාම මග පෙන්වා දී තිබේ. ඒ අනුව අලුත උපන් දරුවෙකුට කුඩා කාලයේදීම ච්ර්මජ්ජේදනය සිදු කරන්නේය. එසේ කරන්නේ පිරිසිදු තාවය සඳහාය. තවද, ඉස්ලාමයේදී මුත්‍රා අපවිත්‍ර ද්‍රව්‍යයක් ලෙස සැලකේ. එබැවින් මුත්‍රා තැවරුණු කෙනෙක් සලාතය  ඉටු කලේ නම් එය වලංගු වන්නේ නැත. මේ නිසා කෙනෙක් මුත්‍රා කිරීමෙන් පසු තම ලිංගික අවයවය ජලයෙන් පිරිසිදු කිරීම අනිවාර්ය වේ. තවද සලාතය ඉටු කිරීම සඳහා ...

සර්වබලධාරී අල්ලාහ් දෙවිඳුන් ගැන පැවසීමේදී, බොහෝ අය සඳහන් කරන්නේ බිය ඇතිකරන දේවල් ගැන පමණි. එහෙත් ඔහු අතිශයින්ම කරුණාවන්ත බව ද අප විසින් දැනගත යුතුය. හදිස්වල දැක්වෙන අන්දමට අල්ලාහ්ගේ කරුණාව ඔහුගේ කෝපාවිෂ්ට බව ඉක්මවා යන්නේය. මේ නිසා වැරදි කල ඕනෑම කෙනෙකුට ලෞකික ජීවිතයේදී අල්ලාහ්ගේ දයාව ගැන බලාපොරොත්තු තැබිය හැකිය. කෙසේ වෙතත් අල්ලාහ් දඬුවම් කිරීමේදී ඉතා දැඩි බවත් අමතක නොකළ යුතුය. එබැවින් වඩා සුදුසු වන්නේ අල්ලාහ් කෙරෙහි ඇති බිය සහ බලාපොරොත්තුව අතර සමතුලිතතාවයක් පවත්වා ගැනීමය. සහිහි බුහාරි ග්‍රන්ථයේ අල්ලාහ් තම ගැත්තන් සමග ක්‍රියා කරන අකාරය මෙසේ විස්තර කොට ඇත.  “මගේ ගැත්තා මා ගැන සිතන ආකාරයට මා ද ඔහු සමග ක්‍රියා කරන්නෙමි. ඔහු මා ගැන සිහිපත් කරන විට මා ද ඔහුව සිහි පත් කරමි. ඔහු තම සිත තුලින් මා ගැන මෙනෙහි කරන්නේ නම්, මා ද ඔහු ගැන මෙනෙහි කරමි. ඔහු මිනිසුන් අතර මා ගැන සඳහන් කරන්නේ නම්, ඔහු ගැන මා ඊට වඩා හොඳ සභාවකදී සඳහන් කරමි. ඔහු මා වෙත වියතක දුරක් ළඟා වුවහොත්, මා රියනක දුරක් ඔහු වෙත ළඟා වෙමි. ඔහු මා වෙත රියනක දුරක් ළඟා වුවහොත්, මා ඔහු වෙත රියන් දෙකක දුරක් ළඟා වෙමි. ඔහු මා වෙත ඇවිද ආවොත්, ම...

බොහෝ දෙනෙකු 'දෙවියන්' (God) ලෙස හඳුන්වන තැනැත්තා සහ මුස්ලිම්වරුන් 'අල්ලාහ්' (Allah) ලෙස හඳුන්වන තැනැත්තා අතර සැලකිය යුතු වෙනසක් තිබේ. කුරානයේ අල්ලාහ්ව මෙසේ විස්තර කොට ඇත.  "පවසනු! අල්ලාහ් එක් කෙනෙකි. අල්ලාහ් (කිසිම) අවශ්‍යතාවයක් නොමැත්තා ය. ඔහු කිසිවෙකුව ප්‍රසුත කලේ නැත. (එසේම) ඔහු කිසිවෙකුගෙන් ප්‍රසුත වුයේද නැත. තවද, ඔහුට සමාන වෙනත් කිසිවෙකුද නැත"  (කුරානය 112; 1-4). එහෙත්, බොහෝ දෙනෙක් මව් කුසකින් උපත ලැබූ, අන් අයගේ සහාය මත යැපෙන අයව දෙවිවරුන් ලෙස සලකති. තවත් අය වඳින්නේ මිනිසා විසින්ම සාදාගත් දේව රුපවලටය. ඒවා නඩත්තු කරන්නෙත් ඔවුන්මය. අල්ලාහ්ට ආරම්භයක් හෝ අවසානයක් නැත. විශ්වය හෝ එහි ඇති කිසිම දෙයක් මැවීමට පෙර අල්ලාහ් පමණක් සිට ඇත. පසුව අල්ලාහ් විශ්වය සහ එහි ඇති සියලුම දේවල් මැවූ අතර  ඒවා ක්‍රියාත්මක විය යුතු භෞතික නියමයන් ස්ථාපිත කළේය. බොහෝ අය ස්වභාව දර්මය යැයි වරදවා තේරුම් ගෙන තිබෙන්නේ අල්ලාහ් විසින් ස්ථාපනය කරන ලද භෞතික නියමයන්ට වේ. මේ නිසා වැඳුම් පිදුම් ලැබීමට එකම සුදුස්සා අල්ලාහ් ය.  මෙම කරුණ අල් කුරානයේ මෙලෙස සඳහන් කොට ඇත.  " (සත්‍ය ලෙසම) න...